街仔路

                            昨瞑ㄝ街仔路

                            無半滴雨

                            有一對一對ㄝ男女

                            出門佇散步

                            看天星參月娘覓相找

                            電火柱佇咧跳探戈

                            今瞑ㄝ街仔路

                            七仙女佇咧學織布

                            樓仔厝洗衫了後

                            順煞嘛洗褲

                           三樓尾ㄝ厝鳥仔

                           三旋四旋速來找無路

          明早ㄝ街仔路

          毋知好天

         抑是落大雨

         黑雲若先到

         我會將到嘴ㄝ情話

         咯吞落嚨喉

        日頭若出來

        我就欲去恁兜

        行到你ㄝ面頭前

        替一水庫ㄝ心事

        找一ㄝ出口

                  過山雲

                           中華民國一○○年十月二日星期日